جيت كلي شوق يا قلب حنون
أرتجي وصلك ويطربني هواك
لو تروح الروح ما اعذبها منون
دام لأجلك يا غلا عمري فداك
لو جميع الخلق حبي يزعلون
ما عشقت إلا المحبة في رضاك
لو كتب غيرك ومهما يكتبون
ما عشقت إلا أحبك في سماك
إيه أحبك وأعشقك عشق جنون
يا مهاة الغيد يا أحلى ملاك
ما كذب قلبي ولا لحظه يخون
ليه تتجنى على حب غلاك
أنت روح الشعر يا غض فتون
وأنت كل الحب ما غيرك سواك
يا سمي الظبي يا نور العيون
يا كحيل الطرف يا عذب ملاك
كل جرح من سوى غيرك يهون
إلا جرح منك يغدي بي هلاك
كلمة أحبك لها عندي مكون
في حنايا الروح تشرق من سناك
الحياة دونك بلا طعم ولون
والسنا يشرق عيوني من بهاك
أنت شمس الحب وأنت اعذب فنون
وأنت لحن الروح كم قلبي بكاك
وأنت آهاتي وجرحي والشجون
وأنت صافي الحب يذهلني وفاك
مستحيل أنساك لو مهما يكون
لو بغيت أتروح خذ قلبي معاك
الأربعاء 11 يونيو 2014 - 3:09 من طرف 
