هذه قصة من التراث الشعبي حق أصحاب صنعاء وبعض المحافظات القريبة من صنعاء
يحكي انه في واحد رجال كان يأكل قلا
( هو شيء زي العدس او العتر او الفاصوليا او البل سن)
وجلس جنب بيير ويأكل وسقطة عليه قلاية إلى الببر
الرجال هذا جلس يصرخ ويغور ويبكي
قلايتي ولا قلايتي
يا بيير أدي قلايتي
قلايتي ولا قلايتي
طلعت له شعرت ألبير
وقالت له : ايش فيك يا خبير مالك بتبكي
كسرت راسي أديت لي الجنان ما خليتني أنام ولا ارتاح
ايش حصل لك ايش
قال الرجال: قلايتي نكعت ( سقطة ) في ألبير
وأنا ما أريد إلا قلايتي و لا قلايتي
شعرة ألبير قالت : اصبر شويه أديلك حاجة أحسن من القلايه الذي بتجنني عليه
ونزلت شعرة ألبير وطلعت معها طلي ( خروف) إلى عند الرجال
شعرة ألبير قالت : يا خبير هذا طلي بدل القلية حقك
وهذا الطلي اذا قلته يا طلي طلع لي من بطنك ذهب يسويها لك ويطلع ذهب قال الرجال تمام واخذ الطلي وراح البيت
وجاب دست ( صحن كبير ) وطرحه تحت الطلي
وقال له يا طلي ابي في هذا الصحن تمليه ذهب وهو سواها ونزل ذهب وملي الدست
وبعد صاحبنا قدو فرح وقال هذا يحتاج له حمام بخار في السوق
وراح صحبنا إلى الحمام حق السوق وشل ( أخذ= اصطحب ) الطلي معه
وقال لحمامي ( صاحب الحمام البخار ) يا حمامي انتبه هذا الطلي عندك أمانه
وانتبه تقول له يا طلي جيب لي ذهب
لانه بيملي لك الدنيا بعر ( روث الحيوان )
قال ألحمامي وأنا ما دخلني هو أمانة مالك يا خبير
إحنا ما نلمس الأمانة
ودخل صاحبنا تحمم وخرج وقد صاحب الحمام
غير الطلي واخذ صاحبنا الطلي وراح البيت
وقال يا طلي اشتي ذهب
الطلي ماجاب ذهب ونزل بعر
ورجع صاحبنا
الى عند البير ومعه الطلي
وقال قلايتي ولا قلايتي
قلايتي ولا قلايتي
قلايتي ولا قلايتي
قلايتي ولا قلايتي
وطلعت له شعرت البير
وقالت : مالك قد ادينا لك طلي يجيب ذهب
قال صاحبنا : هذا يجيب ذهب يوم واحد بس ومرة واحده فقط
اشتي قلايتي
قلايتي ولا قلايتي
قلايتي ولا قلايتي
قالت شعرت البير : اصبر شوي
انزل ادي لك حاجه احسن من الطلي
نزلت وطلعت معها مقلئ
وقالت : انت قول يا بسيس بس لي
وهو يخرج لك من كل اصناف الطعام
قال حاضر خاطرك
رجع البيت وطرح المقلئ
فوق الطاولة وقال يا بسيس بس لي
وهو خرج من المقلئ بنت الصحن والسوسي
واللحمة والشفوت وكل حاجه من اصناف الطعام
صاحبنا تغداء وشبع وقال يرووح الحمام يتحمم
وشل معه المقلئ الى الحمام وطرحه عن الحمامي
وقال انتبه تقول للمقلئ يا بسوس بس لي
هو ولا عيطلع حاجه
قال الحمامي ولا كلمة انت رواح اتحمم وهو امانة
اهم صاحب الحمام راح وجاب مقلئ نفس المقلئ حق صاحبنا
وخرج صاحبنا وراح الى عند الحمامي واخذا المقلئ
والحمامي بيقول له نعيم يا عم
وقال صاحبنا الله ينعم عليك
وراح للبيت وقدو وقت عشاء وهو جوع
طرح المقلئ فوق الطاولة وقال يا بسوس بس لي
يا بسوس بس لس
ولا حاجه ضباح ورجع رقد
وبكر من الصبح طريق البير
وهو بيقول
قلايتي ولا قلايتي
قلايتي ولا قلايتي
قلايتي ولا قلايتي
طلعت شعرت البير وهي ضابح عتقرح من هذا الشخص
قالت له خير ما قد به او اكتسر المقلئ
قال يا ليت بس هو خرج غداء و العشاء وقف
شكله يشتغل مرة واحده
او كيف ؟؟؟
قالت ادي المقلئ وانا عتنزل واديلك حاجه احسن
قال له ناهي
طلعت شعرت ومعها صميل ( عصاء كبيرة وسمينه )
وقالت هذا الصميل هو الذي عيرجع لك القلاية
قال كيف يشتغل ؟
قالت : قله يا صميل صملني بس قوله في البيت
مش هنا
قال : تمام
وراح البيت وقال يا صميل صملني
وهو ضربه ضرب لما كسر عظمة
وهو قال هذا ما يعلاجني الا الحمام في السوق
وراح حمام السوق ومعه الصميل
وطرح الصميل عن صاحب الحمام
وقال له انتبه تقول للصيميل يصملك
قال صاحب الحمام لا توصي حريص
صاحبنا دخل تحمم
وصاحب الحمام قال يا صميل صملني
وهو ضربه ضرب حتى كسر عظمة
وكان يقول بس يكفي ضرب انا عتدي الطلي و المقلئ
وبعد ما خرج الطلي والمقلئ الضرب توقف
خرج صاحبنا وهو بيضحك هو انت الذي بيشل حقي
وأخذا كل حاجه ورجع بيته
وسلامتكم.....................................