ياوردتن ترسل نسايم عليلات
...................... مازارها نحل الفضا والذبابه
حوريتن لاشفتها قلت بسكات
........................ لبيه ياعين المها والمهابه
يفداك عشاق الغنا والمحطات
..................لاصرت كوني والسما والسحابه
انت الهوى يامالي الكون بسمات
.....................وانت البحر لاصار فيني كئابه
وانت العمر يامالك الحب بالذات
.....................ياحب صادق مااتمنى ذهابه
والله لودربك بحور ومحيطات
................. وموجن تلاطم والمواني سرابه
والرعد يصرخ والعواصف بدايات
......................والباخره صارت بدربك خرابه
لجلك أبمشي واملي الدرب ونات
..............واصرخ واغوص الموج والمح عذابه
واحمل جروحي فوق كتف الغمامات
...............وامشي معك ياهم قلبي وصوابه
ياما على شانك قطعت المسافات
...................والنفس صارت بين هم وغلابه
يااجمل سؤالن مالقاله اجابات
.................. يعجز خبير العشق يلقى اجابه
تجرح وتملى قلب خلك اهانات
................ وانسى واعيش الجرح كنه دعابه
الأربعاء 11 يونيو 2014 - 3:09 من طرف 
