جاني الخبر يا صاحبي واظلم الكون...........قدام عيني ثم نطقت الشهاده
على العموم اقولها الف مليون...........مبروك من قلب شكالـك بعـاده
مبروك لا يهمك سواليف وضنون............من عاشق يهديك فرحة فؤاده
سو الفرح اليوم وابليس ملعون...........واللي يشب النار يجني رمـاده
انا اول العالم على القصر يلفون...........أول معازيم الفـرح والحـداده
ابشر انا برقص على العرس بالهون........ كل يعبر فرحتـه بأجتهـاده
لو البلا رقصي يقولون مزيون...........المشكلـه القلـب يفضـح وداده
يوم العذارى في دخولك يغنون...........وعروسك بأحلى ثواني السعـاده
كنت اتمنى بدالها والله اكون..........وأحط أنا كفي تحت راسـك وسـاده
واشلون ابكتم صرختي يوم تمشون..........تكفى خذني للعروسـه قـلاده
حتى معازيم الفرح قامو يمشون..........وأصبحت أنا وحدي بدون أستفاده
وأطفو علي النور من غير يدرون..........قصر الفرح ياقبرنوره ومهاده
وصيتي لو جاك بنت وانا امون.......... سميتها لك نوره قبـل الـولاده
الأربعاء 11 يونيو 2014 - 3:09 من طرف 
