يعتــريني حزن!!!!!!؟؟؟؟

يعتريني حزن.. مدري حالة من الاكتئاب
سمة اللي ودك أصلا.. ماتهم التسمية
المهم اشعر بضيقة صدر وشوي اغتراب
لا ذكرت اني أعيش بعصر..لاللتضحية
عصر فيه من العجب مالا يريك أية عُجاب
يعني فيه من الغرابة.. مايثير السخرية
خل عنك التقنيات اللي يسيل لها اللعاب
انا في حاجة بشر.. ماني بحاجة تقنية
وإلا ويش الفايدة ؟ ل:اللي ركض خلف السراب
لا وصل يمه.. ولافكرة رجوعه مجدية
ينتهي وضعه مثل وضعي.. فلا ودى وجاب
عايش بروحي مع اني في نطاق التغطية
ودي ا بّدي للحظوظ المايله بعض العتاب
بس ماللحظ شغل وحالتي مستعصية
كم خسرني من حبيب وكم خسرت من القراب
والخسارةواحدة.. دام الوجيه مقــفية
ول.. يا سيف القطاعة والخصيمة والغياب
ليتينفع فيك أمر العفو او دفع الدية
كان بمديني دفعت اللي دفعت من الرقاب
والا أطيح بقبضتك أموت موتة مضنية
لي ثلاث سنين فاقدني والاقيني استغفرا اللهاب
والمرض أحيان ناتج من تعاطي الأدوية
فيقطع الله من تغذوا في قفاي منالصحاب
بئس والله ما كلوا مني وبئس التغذية
كلما امنح ثقة لإنسان.. سّوى انقلاب
ناقص الا يصدر بحقي قرار التصفية
عشت نوع من التخبط فيقراراتي وطاب
خاطري من كل مستقبل وحلم وامنية
لي متى؟ وأنا أعاني من توتر واضطراب
في شعوري الداخلي بين الندا والتلبية
اسمع الدنيا.. ولاألبّي.. وأنا سمح الجناب
ردنّي عن شرها.. ديني وحسن التربية
قول كيف اصمد ؟ وأنا في وسط غابة من ذئاب
يجبرونك ع الخطا وأشياء ماهي مُرضية
صح ماهو بمنطق استسلم لمبداهم.. و أهاب
بس مانيب ( إبن حنبل ولابنتيميه)
شاعر ولو كنت صاحب فكر و آرائي صواب
لازم اضعف يوم.. قدامالحياة المغرية
والدليل إني كثير أحيان.. لا املك جواب
لو سألني أحدهم وين الدروب مودية ؟
ادري إني من تراب.. وفي طريقي للتراب
بس مدري ليمتى وأنا اقترف لي معصية ؟
كلما حطيت لفراقي عن الدنيا.. حساب
فز شيطاني على نظرة فتاة... واغنية
ليتني أذنبت ذنب وخفت من تالي العذاب
كان حاليما غدت هالحين.. حالة مزرية
بس أجاهر في معاصيّي علشان الشباب
يعجبون بقدرتي عند اللهو والتسلية
(عفوك اللهم ) يوم يحين تسليم الكتاب
يوم ماتنفع معاه الواسطة والتوصية
يوم لا يستر عُري الآدمي لبس وثياب
وقتهاتشوف الذنوب اكبر عوامل تعرية
من دموعي.. أوديه بتفيض وتسيل الشعاب
وآه يا جد ب الشعاب ويا جفاف الأدوية
ف لاتسمي حالتي.. ياخوك حالةاكتئاب
هذا تأنيب الضمير إذا تصح التسمية
شوف وجهي وأنت تدري ليه ماكنيبشاب
كني من كثرة ذنوبي شايب وعمري مية
منقوووول

كل الشكر لكـ على الموضوع تقبل مرووري., ودمتـ بخير.,,

متشكـــرين على مروركــم