على كثر اتصالات الخلايق في صباح العيد
وانا والله ماكنت اتحـــرى غير جوالك
تحريت اتصالك انت يا الغالي وبالتحــديد
لان العيــد مااظنــه يجي وماجيت في بالــك
تصور كيف مر العيد من تنكيد في تنكيــد
وانا ماغير اهوجس بك وانادي واتحرالــك
وجوالــي غــدى مثلــي تنهــد واكثــر التنهيــد
يقــول ابطــى عليــك وقلــت:اكيــد العلــه ارســالك
وقمــت اكذب على نفسي واقــول بصيغــه التأكيــد
اكيــد الحيــن بتكلــم وانا ادرى ماطرينالك
على مايبدو اني كنت عن بالك بعيد بعيد
حرام ارجووك صدقني انا مااستـاهـل افعــالـك
انا ملكك وانا والله على ماتشتهي وتريد
انا ويــاك تعرفنـاكمــا المملووك والمــالك
كــأنـي منخلــق بعد العبــادة وغــايه التوحيــد
عشــان اعيش من شــانك وشان ارضاك واحيالك
انا رهــن اصبعك اشر ومن هالايد الى هالايد
على كل اعتباراتي انا طفلـك ورجالك
واذا غايتك تذبحني فمــا انت بحروة التأييد
توكــل وانت تلقاني متى ماتنوي قبالك
ولكــن لاتعودني على الفرقا ونار البيد
انا عايش على خبرك نعيم وجنه وصالك
جفاك اليوم قيد تعال وفك هذا القيد
كلمنـــــي وعايدنــي وقلــي انت وش حالــك
ياليــت العـذر فاتورة عليــك بحاجــه التسديــد
اخــاف العذر هي قولــه مسحنــا رقــم جوالــكـ
اخــاف العذر هي قولــه مسحنــا رقــم جوالــكـ
اخــاف العذر هي قولــه مسحنــا رقــم جوالــكـ
.......................
الأربعاء 11 يونيو 2014 - 3:09 من طرف 
